Ilahn 120:1 - Uwumbɔr aagbaŋ

¹ Maah nan bi tibɔr ni na, m nan yin Uwumbɔr, le u nan kii maayim ngbaan.

Ilahn 120:1 ပူးပေါင်းရင်းမြစ်များ

Ilahn 102:2

M yaa bi tibɔr ni kan, taa fenn aapuwɔb tii mi, li pel m chee, ki kii mi mala buyoonn m yin si na.

Ilahn 107:13

Le baamukl ponn ni bi yin Uwumbɔr, le u nyan bi baafalaa ngbaan ni.

Ilahn 118:5

Buyoonn nsui nan bii na, le m nan yin Uwumbɔr, le u nan kii maayim ki gaa mi lii.

Ilahn 121:1

M lik ŋijoo paab; la chee aan maaterm ga nya ni?

Ilahn 122:1

M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

Ilahn 123:1

Uwumbɔr, m lik sin pu la, m lik paacham, nin chee aa bi ki joo dulnyaa na.

Ilahn 124:1

Israel yaab, gar mi man, Uwumbɔr yaa kaa ba si tipuwɔb kan, ti ba bi la?

Ilahn 125:1

Binib bi kii tii Uwumbɔr na naahn Sionn Aajool li kaa damni, kaa foor kpala na la.

Ilahn 126:1

Uwumbɔr aah nan di timi giin Jerusalem aatiŋ ni na, ni nan naahn tidaŋ la.

Ilahn 127:1

Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.

Ilahn 128:1

Binib bi san Uwumbɔr ki joo waakaal na kpa mpopiin.

Ilahn 129:1

Israel aatimbol, bui timi saah nan laa diin aan saadim muk si pu na aabɔr:

Ilahn 130:1

Uwumbɔr, maasuubiin ponn ni le m yin si.

Ilahn 131:1

Uwumbɔr, m di cha kigaak aatuln kaa ki kpa kalimbaani. Ntafal aa bi tibɔr ti jer mi na ni, kaa bi tiwan ni pɔɔ jer maalan na ni.

Ilahn 132:1

Uwumbɔr, taa suln David, ni waah nan jin falaa u mɔmɔk na pu.

Ilahn 133:1

Uwumbɔr aanib yaa koo tɔb chee ni kimɔbaan kan, ni kpa mpopiin sakpen a.

Ilahn 134:1

Nimi Uwumbɔr aatutum mɔmɔk, dan ki nan pak u man, nimi bi mɔmɔk dooni u Waadichal ni kinyeek na, dan nan pak u man.

Ilahn 18:6

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Jona 2:2

“Uwumbɔr, buyoonn nsui bii na le m yin si, le aa kii maayim ngbaan. M nan bi kitekpiitiŋ ni taab taab ki wii yin si ki ban nterm, le aa ŋun maah yin pu na.

Jona 2:3

Aa di mi mee lii taab taab, nnyusakpem aataab, nin chee nnyun nan mann goln mi na, le saanyunkpenn ti kpa mpɔɔn sakpen na fii labr m pu.

Tibɔnyaan ti Luk ŋmee ti na 22:44

Le Yesu aasui ponn ni wu ki ti nyaŋ. Le u ki mee Uwumbɔr linimaln. Le kitotoŋ naa u, ki ye nsin ki tuu lir kitiŋ.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”

1 Samuel 1:27

M nan mee u ubo wee la, le u tii mi maah ban pu na.