Ilahn 119:9 - Uwumbɔr aagbaŋ

⁹ Binib bi laa diin na yaa ban baabimbin li ŋan kan, see bi kii saakaal.

Ilahn 119:9 ပူးပေါင်းရင်းမြစ်များ

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Job Aagbaŋ 13:26

Aa joo tibɔr ti wu mponn ni na le galni mi, hali maah nan laa ye ubo pu na aatun le aa joo galni mi.

Ilahn 119:11

M joo saakaal nsui ni, ke m taa tun si titunwanbir.

Ilahn 17:4

Maa len tibɔbir ke biken na; m kii ki dii saamɔkm, kaa dii mbimbin mu pɔɔ na aasan.

Ilahn 25:7

Di maabiyar ponn ni aatunwanbir ni taani cha pinn mi. Uwumbɔr, saah kpa ngeehm ni tiŋann n‑yoonn mɔmɔk pu na, teer mbɔr.

Ilahn 34:11

Njɔtiib bi laa ye binachipɔm na, dan man, ki nan ŋun m chee man, aan m mɔk nimi ni nyuŋ Uwumbɔr.

Ŋiyataŋak 1:10

Maabo, kinimbɔŋdam yaa ŋmann si kan, taa kii tii bi.

Ŋiyataŋak 1:4

Ŋi ga ŋmaa ŋa unii u kaa kpa ichiin na ulandaan, ki mɔk binib bi laa diin na baah ga li bi mbimbin mu na.

Ŋiyataŋak 2:11

Saalan mu cha aa beer tiwan aatataa na ga li kii si,

Ŋiyataŋak 4:1

Maabim, li ŋun tiwan ni mɔmɔk nite mɔk nimi na. Pel mbamɔm, ki li kpa nlan man.

Ŋiyataŋak 7:7

le ki kan binachipɔm bi kaa kee nyi nibaa na pam, tɔ, m nan kan bi ponn ni ujɔr sakpiin ubaa.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Tibɔnyaan ti Luk ŋmee ti na 15:13

Iwiin ilee aah jer na, le uwaatiir na kuun waafaal mɔmɔk, ki di buen kitiŋ ki daa na ni. Waah ti bi nima na, le u jin waafaal mɔmɔk yɔl yɔl, le li ti doo.

Jɔnn 15:3

Maah tuk nimi maaliin na, ima le toor nimi aabimbin.

Ikaal 17:18

U yaa ŋa ubɔr kan, u pɔɔn ubaa ki li kpa Uwumbɔr aakaal, ni waamɔkm ni nyan ni bitotoorb Liifai yaab aagbaŋ ni na.

2 Timoti 2:22

Chuu aabaa ki taa dii tiwan ni kaa ŋan na aakpeek ke binachipɔm aah dii pu na. Tun lituln li ŋan na, ki tii Tidindaan naadii mbamɔm, ki li kpa ngeehm, ni nsuudoon. Kpaan binib bi mu bi kina ki joo bisui mɔmɔk mee Tidindaan na chee.

Josua 1:7

Pɔɔn aabaa ki li kpa lipobil, ki li joo ikaal imɔk maatutunn Moses nan di mɔk nimi na mbamɔm. Aa taa yii ikaal ngbaan mubaa, le nin chee mɔmɔk aa cha na kan, aa ga nyaŋ.