Ilahn 119:73 - Uwumbɔr aagbaŋ

⁷³ Sin le naan mi, ki cha m kpa limɔfal; tii mi nlan aan m di bae saakaal.

Ilahn 119:73 ပူးပေါင်းရင်းမြစ်များ

1 Bibɔrb Aabɔr 22:12

Tidindaan Uwumbɔr tii si nlan ni mbaem mu aa ga di joo Israel aanib, waakaal aah mɔk pu na.

2 Bibɔrb Aabɔr 2:12

Li pak Israel yaab Aadindaan Uwumbɔr man, u naan paacham ni taab na. U tii Ubɔr David ubolandaan u kpa ŋuntii, ki nyi tiwan sakpen, ki ŋa nlandak ke u maa lidichal tii Uwumbɔr, ki maa ubaa aabɔrdichal mu na.

Job Aagbaŋ 31:15

Uwumbɔr u naan mi na, Uwumbɔr chachaan ngbaan le naan maatutum mu.

Job Aagbaŋ 32:8

Tɔ, Uwumbɔr Mpɔɔnsakpiindaan Aafuur Nyaan le choo binib chee le ki tii bi nlan.

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 119:125

M ye saatutunn la; tii mi nlan aan m li nyi saakaal aatataa.

Ilahn 119:144

Saakaal si chob n‑yoonn mɔmɔk la; tii mi nlan mu m ga li joo beer tiwan aatataa na, ki cha m li kpa limɔfal.

Ilahn 119:169

Uwumbɔr, cha maaterm aawiil pii si. Saah nan puu pu na, tii mi nlan mu m ga li joo beer tiwan aatataa na.

Ilahn 119:34

Kpiir saakaal aatataa mɔk mi, aan m kii tii i. M ga di nsui mɔmɔk joo i.

Ilahn 138:8

Aa ga ŋa saah puu tipuur ti na mɔmɔk. Uwumbɔr, saageehm aa kpa ndoon. Doo lituln li aa piin li na.

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

2 Timoti 2:7

Aa dakl lik maah len pu na aatataa, le Tidindaan ga ter si aa bee ni mɔmɔk aatataa.

Jemisi 3:18

Binib bi par kijaak na le joo ni nsuudoon, ki ga kan tinyoor ti ye mbimbinyaan na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.