47 Maah gee saakaal pu na, i tii mi lineen la.
Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.
M nan binib bi kaa di bisui mɔmɔk tii si na, le ki tee gee saakaal ma.
Aa ŋani bibiindam mɔmɔk ke timoor na la, kina pu le m gee saakaal.
M gee saakaal ki jer salmaa u bi pun u mmii ni ki nyan waajɔŋ na.
Saah puu tipuur ti na aa kpeln. Min u ye saatutunn na gee ti sakpen a.
Uwumbɔr, lik maah gee saakaal pu na. Saageehm aa kpelni, kina pu na, gaa mi lii.
Saakaal tii mi mpopiin, maan suln saakaal bɔr.
Maa gee ke m kan inyamɔn kpala, le ki tee gee saakaal ma.
M gee saakaal ni nsui mɔmɔk, le ki dii i.
Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.
Saah mɔk mmɔkm pu na tii mi mpopiin; muma le ye maasusur.
M gee saakaal ki pak i, m ga li dak i pu.
M gee saakaal sakpen a. M dakl i pu le nwiin ti lir.
Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.
Uwumbɔr aakaal bi chain la. Uwumbɔr aah tuk timi ke ti ŋa pu na le bi chain, ki bi mbamɔm, ki ŋan.
M yaa ŋani maah kaa gee ke m li ŋani tiwan ni na kan, nima le mɔk ke m kii ke Uwumbɔr aakaal ŋan.
M gee Uwumbɔr aakaal nsui ni.
Ni sunn nibaa taab man ke Yesu Kristo aah sunn ubaa taab pu na.
Ba pu? Uwumbɔr yin nimi bi dii u na ke ni li ji falaa; ba pu? Kristo mu nan jin falaa ni pu. Nima le ye limɔkl ki tii nimi, ke ni li dii waataabuu.
