Ilahn 119:4 - Uwumbɔr aagbaŋ

⁴ Uwumbɔr, aa di saakaal tii timi le ki mɔk timi ke ti li dii i mbamɔm.

Ilahn 119:4 ပူးပေါင်းရင်းမြစ်များ

Esra 7:21

“M siin Yufrates aamɔɔl aawilir aapepel aaninkpiib bi tun nnaan aamombil aatuln na, ke bi tii Esra, u ye ugbanbae ki nyi Uwumbɔr u bi Paacham na Aakaal mbamɔm na, tiwan ni mɔmɔk u ban na,

Nnyam 7:6

Moses ni Aaronn nan ŋa Uwumbɔr aah bui ke bi ŋa pu na.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Jɔnn 14:15

“Ni yaa gee mi kan, ni ga kii maamɔb,

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 11:22

“Ni li nyi ki li joo ikaal i mɔmɔk m di mɔk nimi na mbamɔm. Ni li gee Nidindaan Uwumbɔr, ki ŋa waakaal aah mɔk nimi pu na, ki li dii uma baanja.

Ikaal 12:32

“Ni pɔɔn nibaa ki ŋa maah bui nimi pu na mɔmɔk, ni taa di tiwan nibaa kpee maah mɔk nimi pu na, ki mu taa nyan nibaa mu.

Ikaal 30:16

Ni yaa kii Nidindaan Uwumbɔr aah ban ni ŋa pu na mɔmɔk, ki gee u, ki kii waamɔb, ki joo waakaal imɔk m joo tii nimi din wee na kan, ni ga kan naah ban pu na, ki ŋa litimbol li aanib wiir sakpen na. Le Nidindaan Uwumbɔr ga ŋa tinyoor ŋa ni pu, kitiŋ ki ponn ni, ni ban ni gaa na.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 6:17

Ni li nyi ki li joo ikaal imɔk u di tii nimi na.

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

Josua 1:7

Pɔɔn aabaa ki li kpa lipobil, ki li joo ikaal imɔk maatutunn Moses nan di mɔk nimi na mbamɔm. Aa taa yii ikaal ngbaan mubaa, le nin chee mɔmɔk aa cha na kan, aa ga nyaŋ.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.