Ilahn 119:34 - Uwumbɔr aagbaŋ

³⁴ Kpiir saakaal aatataa mɔk mi, aan m kii tii i. M ga di nsui mɔmɔk joo i.

Ilahn 119:34 ပူးပေါင်းရင်းမြစ်များ

1 Bibɔrb Aabɔr 22:12

Tidindaan Uwumbɔr tii si nlan ni mbaem mu aa ga di joo Israel aanib, waakaal aah mɔk pu na.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 119:10

M joo nsui mɔmɔk le pɔɔni mbaa ke m li tun saatuln; taa cha m yii saakaal.

Ilahn 119:100

Maah dii saakaal na, m kpa nlan sakpen ki jer bininkpiib.

Ilahn 119:104

M kani nlan saakaal chee pam, kina pu na, maa gee mbimbin mumɔk kaa ŋan na.

Ilahn 119:125

M ye saatutunn la; tii mi nlan aan m li nyi saakaal aatataa.

Ilahn 119:130

Saakaal aatataa tii inimbiwoln la, le ki tii maanyidam nlan.

Ilahn 119:144

Saakaal si chob n‑yoonn mɔmɔk la; tii mi nlan mu m ga li joo beer tiwan aatataa na, ki cha m li kpa limɔfal.

Ilahn 119:169

Uwumbɔr, cha maaterm aawiil pii si. Saah nan puu pu na, tii mi nlan mu m ga li joo beer tiwan aatataa na.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 119:58

M joo nsui mɔmɔk mee si ke aa san mi kinimbaak ke saah puu ke aa ga ŋa pu na.

Ilahn 119:66

Maah tii saakaal naadii pu na, tii mi saalan ni ichiin.

Ilahn 119:69

Binib bi kpa kigaak na geei inyamɔn paani mi, le m tee joo nsui mɔmɔk keei tii saakaal.

Ilahn 119:73

Sin le naan mi, ki cha m kpa limɔfal; tii mi nlan aan m di bae saakaal.

Ilahn 39:2

M nan ŋmin suuna, kaa len tibaa, hali maa len litunyaan libaa aabɔr. Le maafalaa moo kpae,

Matiu 5:19

Nima pu na, unii umɔk yii nkaal ngbaan ponn ni siib na, ki mɔk binib kina na, u ga li ye uwaatiir Uwumbɔr aanaan ni. Unii umɔk kii nkaal ngbaan, ki mɔk binib kina na, u ga li ye unikpaan Uwumbɔr aanaan ni.

Matiu 7:24

“Nima pu na, unii umɔk ŋun maabɔr ngbaan ki ŋani kina na, naahn unii u kpa nlan, ki maa waadiik litakpal pu na.

Jɔnn 7:17

Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

Jemisi 4:11

Nnaabitiib, ni taa bii tɔb. Unii yaa bii una aabo ki yaa galn u kan, u bii Uwumbɔr aakaal ki galn mu la. Aa yaa galn nkaal ngbaan kan, saa ye unii u ŋani nkaal aah len pu na, aa ye unii u galni mu la.