Ilahn 119:24 - Uwumbɔr aagbaŋ

²⁴ Saah mɔk mmɔkm pu na tii mi mpopiin; muma le ye maasusur.

Ilahn 119:24 ပူးပေါင်းရင်းမြစ်များ

Job Aagbaŋ 27:10

Ni ba ŋan ke bi li neen waah tii mpopiin mu na; bi ba ga li mee u n‑yoonn mɔmɔk.

Ilahn 119:143

Tibɔr muk mi sakpen, le saakaal ma joo ni mi mpopiin.

Ilahn 119:16

Saakaal tii mi mpopiin, maan suln saakaal bɔr.

Ilahn 119:162

Saah puu tipuur ti na pu le m kpa mpopiin ke unii u pii liwangol na la.

Ilahn 119:77

Maah neen saakaal pu na, san mi kinimbaak, ki tii mi limɔfal.

Ilahn 119:92

Maapopiin aah nyan ni saakaal ni na, kina pu le maafalaa aa ku mi.

Ilahn 19:11

Ŋi tii mi, saatutunn nlan; le aa pa mi maah kii tii ŋi pu na.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Jeremia 6:10

Le m gar ke, “Ŋma ga pel m chee buyoonn m bi len bi chee tibɔr ki sur bi na? Bi kpa tafalaaŋun, kaan pel saabɔr ti m joo nabr bi na; bi laa saabɔr la.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

Josua 1:8

Ni yaa ti ban ni doon mi kan, ni chuu nibaa ki li karni ikaal aagbaŋ ngbaan, ki li bae ikaal ngbaan nwiin pu ni kinyeek, ki chuu aabaa ki kii iliin imɔk bi ki ponn ni na. Nima kan, aa ga kan tinyoor ki li nyaŋni tiwan mɔmɔk ponn ni.