Ilahn 119:18 - Uwumbɔr aagbaŋ

¹⁸ Woln nnimbil aan m kan ibamɔnkpaan i bi saakaal ni na.

Ilahn 119:18 ပူးပေါင်းရင်းမြစ်များ

Ilahn 119:96

M bee ke tiwan mɔmɔk kpa naadoon; le saakaal ma aa kpa ndoon.

Aisaya 29:18

Nwiin ngbaan daal yaa nan fuu ni kan, bitafakpaab ga ŋun baah karni kigbaŋ kibaa pu na, le bijoom bi nan bi mbɔmbɔɔn ni na ga likr binimbil ki li waa.

Aisaya 32:3

Binimbil ni bitafal ga li bi binib bi kaa kpa na ni.

Aisaya 35:5

Bijoom ga likr, le bitafakpaab na mu ga ŋun.

Hosea 8:12

M ŋmee ikaal i aa ti ki nyi imɔk na tii binib ngbaan, le bi yii i ke i ye tiwɔwɔwan, ni tiwachann le bi chee.

Matiu 13:13

Kinipaak ngbaan lik, kaa waa, ki pel kaa ŋun, kaa bee maaliin aatataa. Nima le cha m ŋak bi ŋiyataŋak.

Matiu 16:17

Le Yesu bui u, “Simonn, Jɔnn aajapɔɔn, Uwumbɔr aanyoor bi aa pu la. Naa ye unibɔn le kpiir kina mɔk si. Nte Uwumbɔr u bi paacham na le kpiir kina mɔk si.

Matiu 20:33

Le bi bui u, “Tidindaan, ti ban ke aa likr tinimbil tii timi la.”

Jɔnn 9:39

Le Yesu bui ke, “M dan dulnyaa wee ni, m nan ji binib tibɔr, ki woln binib bi aanimbil aa woln na aanimbil, ki jɔb binib bi aanimbil woln na aanimbil.”

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Hiibru Yaab 10:1

Moses aakaal nan ye nsanyaan mu choo na aamɔkl la, naa nan ye nsanyaan ngbaan mbamɔm. Binib bi dii Moses aakaal na toor titorbaan ŋibin ŋibin, nima le aa ŋmaa ŋa bi binib bi ŋan ti doo na.

Hiibru Yaab 8:5

Bitotoorninkpiib ngbaan aatuln ye paacham aatuln aanaŋ la. Moses yaan mu nan bi kina la. Waah nan ban ke u ŋa libool tii Uwumbɔr na, Uwumbɔr nan bui u ke u li nyi ki ŋa tiwan mɔmɔk ke waah mɔk u laanaŋ, lijool paab pu na.

Tibɔkpiirkaan 3:18

Nima pu na, m sur nimi ke ni daa m chee salmaa u bi di pu mmii ni aan u ŋa chain na, aan ki sil li ye biwankpadam; ki daa m chee tiwanpeenkaan ni piin na ki di peen, aan binib taa ki kan naah si niŋmeen pu na; ki daa m chee linimbil aanyɔk ki di mee ninimbil aan ki likr.