172 Saakaal aah bi chob pu na, m ga di i gaa ilahn.
Kina pu na, m dii saakaal mɔmɔk; le kaa gee nsan mumɔk kaa ŋan na.
M ga ki gir len mpɔɔn pu saah tii ikaal i mɔmɔk na.
Saah tii ikaal i na ŋan le ki si chob.
Saabimbinyaan ga li bi n‑yoonn mɔmɔk, le saakaal ye mbamɔn n‑yoonn mɔmɔk.
M ga di saakaal moon tii bibɔrb, kaan san inimɔɔn.
Unii ga ŋmaa nyii saakaal pu ki fii sil; binib joo inyamɔn le muk mi, kina pu na, ter mi.
Uninyaan aamɔbon ye nlan la, le ki kpa ibamɔn n‑yoonn mɔmɔk.
Ti ga cha timi aabilb li nyi ti. Ti ga bui tiyaabitiib Uwumbɔr aah kpa mpɔɔn ki tun liyimbil aatun ŋi na, ni iwaan aatun ŋi u tun na.
Uwumbɔr aakaal bi chain la. Uwumbɔr aah tuk timi ke ti ŋa pu na le bi chain, ki bi mbamɔm, ki ŋan.
Ti bee ke Uwumbɔr aakaal mɔk timi Uwumbɔr aah ban pu na. M mu aa ŋani kina; ba pu? m ye titunwanbir aanaagbiija la.
Ni taa cha iliin i kaa ŋan na nyan nimi aamɔi ni. Ni li len iliin i ŋan na, i ga ter binib bi ŋun na ke bi dii Uwumbɔr aasan mbamɔm.
Ni di i mɔk nimi aabim. Ni yaa ka linampal, bee ni yaa nyan buen nsan, bee ni yaa ka fuur, bee ni yaa bi tun lituln kan, ni li len yaabɔr.
Ni li len ibulchiliin n‑yoonn mɔmɔk, ki li len Uwumbɔr aalambil aah ye pu na. Ni yaa len kina kan, ni ga bee naah ga giin pu ki kii unii mɔmɔk na.
