Ilahn 119:165 - Uwumbɔr aagbaŋ

¹⁶⁵ Binib bi gee saakaal na bi lifuur ni la, le nibaa aa bi ki ga nyaŋ bi.

Ilahn 119:165 ပူးပေါင်းရင်းမြစ်များ

Ilahn 119:56

M joo saakaal le ki kani maapopiin.

Ŋiyataŋak 3:17

Nlan ga ŋmaa tii si mmɔɔn aamɔfal, ki ga li joo si mbamɔm ki ti saa saadoon.

Ŋiyataŋak 3:23

Nibaa aan ŋa si saasan ni, le aa ga chuun, kaan gbeer nibaa.

Aisaya 26:3

Uwumbɔr, sin le joo nsuudoon mu sil ye nsuudoon na tii binib bi joo baabimbin mbamɔm ki tii si naadii na.

Aisaya 28:13

Kina pu le Uwumbɔr ga mɔk nimi ŋibɔbil ngbaan mɔmɔk aatataa aah ye pu na. Le ni yaa yoor litaal limɔk na kan, ni ga gbeer. Ni ga kan iween, gaawɔb mam ga chuu nimi, aan bi di nimi ŋa kiyondiik ni.

Aisaya 32:17

ba pu? unii mɔk ga tun ni ŋan na, nsuudoon ni lifuur ga li bi n‑yoonn mu kaa kpa ndoon na.

Aisaya 57:14

Uwumbɔr ki len ke, “Cha maanib gir ni m chee. Chuu nyan tiwan nimɔk laŋ baasan na. Naan nsan ki gor mu siin man.

Aisaya 57:21

Titunwanbirdam aa kpa nsuudoon.” Uwumbɔr aah len pu na le na.

Matiu 13:21

Bi mu aa gaa ti mbamɔm bisui ni. Bi ga li joo ti ni yunn siib. Bi yaa kan limukl ti pu kan, bee binib yaa ŋa bi falaa ti pu kan, libuul ngbaan ni, le bi ga di ti lii.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Filipi 4:7

Ni yaa ŋani kina kan, Uwumbɔr ga tii nimi nsuudoon mu jer taah nyi pu na. Nisui, ni nimi aalandak ga doon; ba pu? ni kpaan Yesu Kristo chee.

1 Jɔnn 2:10

Unii umɔk gee una aabo na bi nwiihn ni la. Tiwan ni ga cha unii lir na aa bi nwiihn ni.