16 Saakaal tii mi mpopiin, maan suln saakaal bɔr.
Baah gee pu na le ye ke bi keei Uwumbɔr Aakaal aah len pu na, le ki bae mu nwiin pu ni kinyeek.
M kii n‑yoonn mɔmɔk ke m di maamɔfal pa talmaa; maan suln saakaal.
M joo saakaal nsui ni, ke m taa tun si titunwanbir.
M gee ke m li dii saakaal ki jer ke m li kpa liwangosakpeln.
Maa ye unikpaan, le bi lik seen mi, m mu aa tee suln saakaal bɔr.
Tibɔr muk mi sakpen, le saakaal ma joo ni mi mpopiin.
Maah kaa yii saakaal na, lik maah ji falaa pu na, ki gaa mi lii.
Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.
M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.
Saah mɔk mmɔkm pu na tii mi mpopiin; muma le ye maasusur.
Taa cha m nya saakaal aapuwɔb, ba pu? ima chee le m kani mpopiin.
Maah gee saakaal pu na, i tii mi lineen la.
Bibiindam pen mi kitaŋ la, le maan tee suln saakaal pu.
Binib bimina aa kpa ŋuntii, le mma neen saakaal.
Maah neen saakaal pu na, san mi kinimbaak, ki tii mi limɔfal.
Maa ki bi tibɔr tibaa ni, ke lidabuul li kpa nween na la; tɔ, m mu aa tee suln saakaal bɔr.
Maawumbɔr, m gee sakpen ke m ŋa saageehn, m joo saamɔkm nsui ni la.”
Buyoonn ibamɔn ti ŋa na, bininyaam aasui piir la; le ni tee wu bibiindam ma.
Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.
Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.
M gee Uwumbɔr aakaal nsui ni.
