Ilahn 119:158 - Uwumbɔr aagbaŋ

¹⁵⁸ Bibɔmbɔtukb ngbaan aah kaa dii saakaal na, m yaa kan bi kan, ni bii nsui la.

Ilahn 119:158 ပူးပေါင်းရင်းမြစ်များ

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 119:53

M yaa kan bibiindam bi bii saakaal kan, maaŋuul fiir la.

Ilahn 139:21

Uwumbɔr, m nan binib bi nan si na sakpen. M lik seen binib bi yii si ki nyan aapuwɔb na.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Tibɔnyaan ti Mak ŋmee ti na 3:5

Le u lik bi mɔmɔk, le ki gee liŋuul bi pu. Bitafal aah pɔɔ pu na, le ni bii usui. Le u bui uja u aaŋaal faan na ke, “Taln aaŋaal.” Le u taln uŋaal. Le mu pɔɔk.