Ilahn 119:154 - Uwumbɔr aagbaŋ

¹⁵⁴ Ter mi maabɔr ni, ki gaa mi lii, saah nan puu pu na, gaa mi lii.

Ilahn 119:154 ပူးပေါင်းရင်းမြစ်များ

Job Aagbaŋ 5:8

M yaa ba ye sin kan, m ba ga fenn toŋ Uwumbɔr le ki di maabɔr tuk u.

Ilahn 119:25

M lir le ki dɔ titan ponn ni, cha maamɔfal ki gir ni ke saah puu ke aa ga ŋa pu na.

Ilahn 119:38

Li joo tipuur ti aa puu tii mi, saatutunn na, saapuur ti aa nan puu tii binib bi kii saamɔb na.

Ilahn 119:40

M gee ke m joo saakaal; saabimbinyaan pu, tii mi limɔfapɔln.

Ilahn 35:1

Uwumbɔr, kpak binib bi kpak mi na, ki jan binib bi tak mi na kijaak.

Ilahn 35:23

Uwumbɔr, fii sil, ki sil mpuwɔb; Maawumbɔr, fii sil, ki len maabɔr tii mi.

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

1 Jɔnn 2:1

Maabim, maa ban ke ni tun titunwanbir. Nima le cha m ŋmee tibɔr tee tii nimi. Unii mu yaa tun titunwanbir kan, ti kpa uchandatuln Tite Uwumbɔr chee. Uchandatuln ngbaan ye Yesu Kristo la, uma le ye mbamɔndaan.

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 24:16

David aah len doo na, le Sɔɔl bui ke, “Sin maabo David sil ye ee?” le ki piin ki bi wii.