Ilahn 119:137 - Uwumbɔr aagbaŋ

¹³⁷ Uwumbɔr, saabimbin ŋan la, le saakaal si chob.

Ilahn 119:137 ပူးပေါင်းရင်းမြစ်များ

Esra 9:15

Uwumbɔr, Israel yaab Aadindaan, aa ye ubamɔndaan la, le ki tee cha ti ŋmar. Ti kpiir timi aataani tuk si; taa kpa nsan ke ti dan nan sil aanimbiin ni.”

Nehemia 9:33

Saah daa timi aatafal pu na, aa kpa mbamɔn; ti tun titunwanbir, le sin ma ŋani saah len pu na kaa joo cha.

Ilahn 103:6

Uwumbɔr nyi baah muk binib bi na bɔr le ki ter bi ki tii bi baabamɔn.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Daniel 9:14

Tidindaan Uwumbɔr, sin le nyan sil ke aa daa timi aatafal, ki mu sil ŋa kina; ba pu? aa ŋani tiwan ni ŋan na n‑yoonn mɔmɔk, le ti yii kaa ŋun tii si.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Rom Yaab 9:14

Kina kan, ti ga len kinye? Ti ga len ke Uwumbɔr ŋa ni kaa ŋan aa? Taan len kina kpala.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Tibɔkpiirkaan 16:7

Le m ŋun nneel nyan ni kitork aabimbiln ni ki len ke, “Tidindaan Uwumbɔr, u yeh mpɔɔn mɔmɔk na, ni ye mbamɔn, aa jin binib tibɔr mbamɔm ki ŋa bi naah ŋeer bi pu na.”

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”