Ilahn 119:130 - Uwumbɔr aagbaŋ

¹³⁰ Saakaal aatataa tii inimbiwoln la, le ki tii maanyidam nlan.

Ilahn 119:130 ပူးပေါင်းရင်းမြစ်များ

Ilahn 119:105

Saamɔboln ye karyaa u mɔk mi nsan na la, le ki wiin maasan ni.

Ilahn 119:34

Kpiir saakaal aatataa mɔk mi, aan m kii tii i. M ga di nsui mɔmɔk joo i.

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ilahn 19:8

Uwumbɔr aakaal ye ibamɔn la, le binib bi kii tii i na kpa mpopiin. Uwumbɔr aakaal si chob la, le ki tii unibɔn aasui ŋuntii.

Ŋiyataŋak 1:4

Ŋi ga ŋmaa ŋa unii u kaa kpa ichiin na ulandaan, ki mɔk binib bi laa diin na baah ga li bi mbimbin mu na.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

2 Korenti 4:4

Kinimbɔŋ ki joo dulnyaa aanib na le jɔb binib bi kaa gaa Yesu ki kii na aanimbil, ke tibɔnyaan tee taa woln binimbil. Tibɔnyaan tee tuk timi Kristo aah ŋan sakpen pu na. U ye Uwumbɔr aanaŋ la.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.