Ilahn 119:120 - Uwumbɔr aagbaŋ

¹²⁰ M san sin le ijawaan; saakaal pu le ijawaan joo mi.

Ilahn 119:120 ပူးပေါင်းရင်းမြစ်များ

2 Bibɔrb 22:11

Ubɔr aah ŋun kigbaŋ ngbaan aaponn ni aabɔr na, le u daa kar waawanpeenkaan ijawaan ni itaakpayɔl pu,

1 Bibɔrb Aabɔr 24:30

Musi nan ma mbijabim mutaa la. Baayimbil sɔ: Mali, ni Eder, ni Jeremof. Liifai yaab aadichadam le na.

2 Bibɔrb Aabɔr 34:21

“Li cha man ki ti baa Uwumbɔr, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa pu na, u gee ti pu liŋuul a.”

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Job Aagbaŋ 23:15

m san u, le nwon gbaa unimbiin ni.

Job Aagbaŋ 31:23

Maah san Uwumbɔr aatafadaan na, maa nan ŋa kina aawan daalbaadaal.

Ilahn 119:53

M yaa kan bibiindam bi bii saakaal kan, maaŋuul fiir la.

Ilahn 88:16

Saaŋuusakpeln le nyiir mi bilni; maah san si ijawaan pu na le bii mi doo.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Hiibru Yaab 12:21

Baah kan tiwan ni na nan kpa ijawaan pam. Moses mu nan len ke ijawaan joo u sakpen, le uwon gbaa.

1 Samuel 6:20

Kina pu le Bef Semes aajab bui ke, “Ŋma ga ŋmaa sil Tidindaan Uwumbɔr u bi chain na aanimbiin ni? Ti ga di dakaa ngbaan buen la chee ki cha tibaa?”