Ilahn 119:102 - Uwumbɔr aagbaŋ

¹⁰² Sin aabaa aah ye maamɔmɔkr na, maa lik saakaal fam.

Ilahn 119:102 ပူးပေါင်းရင်းမြစ်များ

Job Aagbaŋ 36:22

Teer Uwumbɔr aapɔɔn aah nyaŋ pu na; uma le ye umɔmɔkr kpaan ki jer bimɔmɔkb mɔmɔk.

Ilahn 18:21

M kii Uwumbɔr aakaal; maa fenn mpuwɔb tii Maawumbɔr.

Ŋiyataŋak 5:7

Njapɔtiib, li pel dandana wee man, ki taa suln maah bi len pu na man.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.