Ilahn 119:10 - Uwumbɔr aagbaŋ

¹⁰ M joo nsui mɔmɔk le pɔɔni mbaa ke m li tun saatuln; taa cha m yii saakaal.

Ilahn 119:10 ပူးပေါင်းရင်းမြစ်များ

2 Bibɔrb Aabɔr 15:15

Juda aanib mɔmɔk nan kpa mpopiin ke bi di bisui mɔmɔk le puu tipuur ngbaan. Bi nan di mpopiin le doon Uwumbɔr, le u gaa bi iŋaal ilee ki tii bi nsuudoon ŋipepel mɔmɔk pu.

Ilahn 119:118

Unii umɔk yii saakaal na, aa mu yii uma la; le baabeebee aakpokl na ye fam.

Ilahn 119:133

Saah nan puu pu na, taa cha m lir, ki taa cha kinimbɔŋ nyaŋ mi.

Ilahn 119:176

M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 119:21

Aa kae binib bi kpa kigaak na mbamɔm; ki puuni lir binib bi yii saakaal na pu.

Ilahn 119:34

Kpiir saakaal aatataa mɔk mi, aan m kii tii i. M ga di nsui mɔmɔk joo i.

Ilahn 119:58

M joo nsui mɔmɔk mee si ke aa san mi kinimbaak ke saah puu ke aa ga ŋa pu na.

Ilahn 119:69

Binib bi kpa kigaak na geei inyamɔn paani mi, le m tee joo nsui mɔmɔk keei tii saakaal.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 23:3

U tii mi limɔfapɔln, le ki mɔk mi isan i ŋan na, waah nan puu pu na.

Ilahn 78:37

Baa nan dii waah len pu na; baa nan joo baah nan puu tipuur ti tii u na.

Ŋiyataŋak 2:13

aan bi di nsanyaan di lii, ki ye kinimbɔŋdam,

Ŋiyataŋak 21:16

Unii umɔk yenn nyan nlan chee na, nkun dɔ kii udaan ngbaan.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Esekiel 34:6

Kina pu na, maapiih nan chuun kpak ŋigongon ŋi paa na, ni ŋijoo pu. I nan yaa ki bi kitiŋ kee mɔmɔk pu, le ubaa aa nyan ke u ban i, ubaa mu aa pɔɔn ubaa ke u ban kan i.

Hosea 10:2

Binib bi aasui ni ye ŋŋmann ŋmeen na ga ji baatunwanbir aafalaa. Uwumbɔr ga gbaa wii baawaa ni ŋaabimbin ngbaan ki tur ŋi lir.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Kolosiya 3:22

Binaagbiib, ni li keei nidindatiib bi bi dulnyaa ni na aamɔi tiwan mɔmɔk ni. Bi yaa bi ni chee, bee bi yaa kaa bi kan, ni li tun lituln mbamɔm. Ni taa ban binib li pak nimi. Naah san Uwumbɔr na, ni li tun lituln mbamɔm nima pu.

1 Jɔnn 2:15

Tɔ, ni taa li gee dulnyaa wee aasan. Ni taa li gee dulnyaa wee ponn ni aawan. Unii yaa gee dulnyaa wee aasan kan, waa gee Tite Uwumbɔr.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”