Ilahn 119:1 - Uwumbɔr aagbaŋ

¹ Binib bi aabimbin ŋan aan bi dii Uwumbɔr aakaal na kpa mpopiin.

Ilahn 119:1 ပူးပေါင်းရင်းမြစ်များ

2 Samuel 22:22

M kii Uwumbɔr aakaal; maa fenn mpuwɔb tii Maawumbɔr.

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 1:8

Le Uwumbɔr ki baa u ke, “Aa kan maatutunn Job aah bi pu na aan saa kan u? Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir.”

Ilahn 101:2

Maatuln aan li kpa tijɔŋ. Bayoonn aan aa ga dan m chee? M ga li joo mbimbin mu ŋan na le bi maadichal ponn ni,

Ilahn 101:6

M ga kii tii binib bi kii tii Uwumbɔr na ki cha bi li koo maabɔrchiln ni. Binib bi kaa kpa taani na ga li kpa nsan ki tun maatuln.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 128:1

Binib bi san Uwumbɔr ki joo waakaal na kpa mpopiin.

Ŋiyataŋak 11:20

Uwumbɔr aa gee binib bi kpa tilandakwanbir na, le ki tee gee binib bi ŋani ni ŋan na.

Ŋiyataŋak 13:6

Mbimbinyaan le kii binib bi kaa kpa taani ubaa na; le mbiin ye titunwanbirdam aalirm.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Esekiel 11:20

Le bi ga li joo maakaal, ki li ŋani maah bui bi pu na mbamɔm. Bi ga li ye maanib, le m mu ga li ye Baawumbɔr.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Lituln 24:16

N‑yoonn mɔmɔk m pɔɔni mbaa ke m taa li kpa taani Uwumbɔr ni binib chee.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.