Ilahn 118:27 - Uwumbɔr aagbaŋ

²⁷ Uwumbɔr ye Tidindaan la, u kpa ti pu tiŋann. Bar isubon ŋa niŋaal ni man, ki piin kitork aajim ngbaan, ki chuun mann goln kitork aabimbiln.

Ilahn 118:27 ပူးပေါင်းရင်းမြစ်များ

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

1 Bibɔrb Aabɔr 29:21

Kitaak aah woln na, le bi kɔr tiwakor ke kitork na, ki di tii Uwumbɔr, le binib ngbaan ŋman. Bi nan ki kɔr inaaja lichur, ni ipihja lichur, ni ipihbi lichur kpee, le ki di ni mɔmɔk see mmii ni, kitork aabimbiln paab. Bi nan ki joo ni ŋisubil aadaan aapiin mu.

Esta 8:16

ba pu? Juu yaab bi bi ki ponn ni na nan kan mpopiin ni ŋŋmarm, ni mmɔɔn ni linyaŋ.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 37:6

U ga cha saah ŋan pu na li wiin ke nwiin pu aawiin na.

Nnyam 27:2

Ni ŋa ŋimɔchɔn ŋimɔgben ŋinaa mɔmɔk pu, ŋi ni kitork aabimbiln ngbaan li ye liwanbaal, ki di tikumann donn biin ni mɔmɔk pu.

Nnyam 38:2

U nan ŋa ŋimɔchɔn ki baan ŋimɔgben ŋinaa pu, le ni kpaan liwanbaal. U nan di tikumann aakur le donn biin li pu.

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 9:2

Nima aanib bi bi mbɔmbɔɔn ni na kan nwiihn sakpiin. Bi nan bi mbɔmbɔɔn ni, le dandana, nwiihn woln bi pu.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.