Ilahn 118:15 - Uwumbɔr aagbaŋ

¹⁵ Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 118:15 ပူးပေါင်းရင်းမြစ်များ

Ilahn 111:2

Uwumbɔr aah tun ŋitun ŋi na nyaŋ a. Binib bi mɔmɔk aasui piir ŋi pu na ban ke bi bee ŋaatataa.

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 119:54

N‑yoonn siib mu ponn ni m bi kitiŋ kee pu na, m di saakaal naan ilahn.

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ilahn 5:12

Uwumbɔr, aa ŋani tinyoor ŋani bi keei saamɔb na pu; le saageehm kii bi ke kijaak aapeln na.

Ilahn 60:12

Uwumbɔr yaa bi ti chee kan, ti ga nyaŋ, u ga nyaŋ timi aadim.

Ilahn 68:3

Le bininyaam ma kpa mpopiin ki mɔɔni unimbiin ni, bi kpa mpopiin le ki tar mmɔɔn pu.

Ilahn 89:13

Saapɔɔn nyaŋ a. Aa kpa mpɔɔn sakpen a.

Ilahn 98:1

Gaa nlahnpɔɔn tii Uwumbɔr man; u tun ŋitukpaan; u di ubaa aapɔɔn mu bi chain na le kan linyaŋ.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Tibɔnyaan ti Luk ŋmee ti na 1:51

U mɔk binib waapɔɔn, ki jenn kalmbaanidam bi dak ke bi ye bininyuum na.

Lituln 16:34

Le u di Pɔɔl ni Sailas buen waadichal ni, ki ti tii bi tijikaar ke bi ji. U ni waachiln ni aanib aah nan gaa Uwumbɔr ki kii na, ni ŋa bi mpopiin pam.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.