Ilahn 116:1 - Uwumbɔr aagbaŋ

¹ Uwumbɔr aah ŋun maayim pu na, le m gee u, u pel maameel,

Ilahn 116:1 ပူးပေါင်းရင်းမြစ်များ

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

1 Bibɔrb 9:3

Uwumbɔr nan bui u ke, “M ŋun saameel. M gaa Lidichal limina, li li ye nin chee bi ga li dooni mi n‑yoonn mɔmɔk na, ki ŋa li chain.

Ilahn 119:132

Fenn ni m chee ki san mi kinimbaak ke saah san binib bi gee si na kinimbaak pu na.

Ilahn 28:6

Di kipak tii Uwumbɔr, ba pu? u ŋun maah wii ki ban nterm pu na.

Ilahn 40:1

M nan ka suuna le ki kii Uwumbɔr aaterm; le u pel m chee ki ŋun maawiil.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Aisaya 38:15

Uwumbɔr le ŋa kina. M ga len kinye? Nsui aa dɔ, le maa ŋma geen.

Inandalahn 3:56

Le maah gaŋ si ke aa pel maawiil na, aa ŋun.

Jona 2:3

Aa di mi mee lii taab taab, nnyusakpem aataab, nin chee nnyun nan mann goln mi na, le saanyunkpenn ti kpa mpɔɔn sakpen na fii labr m pu.

Nkahm 21:3

Uwumbɔr nan ŋun baah mee u pu na, le ki ter bi, bi nyaŋ Kanaann yaab ngbaan. Nima pu na, Israel yaab nan kuln bi, ni baatim mɔmɔk pel pel, le ki yin nima chee ke Homa.

Tibɔnyaan ti Mak ŋmee ti na 12:33

Unii yaa gee Uwumbɔr usui mɔmɔk ni, ni waalandak mɔmɔk, ni waapɔɔn mɔmɔk, ki gee una aabo ke waah gee ubaa pu na kan, nima le ŋan ki jer u di tiwakor toor kitork ki see mmii ni tii Uwumbɔr.”

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

1 Jɔnn 4:19

Uwumbɔr le nan puen gee timi. Nima pu le ti mu gee u.

1 Samuel 1:26

Le Hana bui u ke, “Gafara, maaninkpel. Aa bee mi ii? Min le ye upii u aa nan kan u si do ki bi mee Uwumbɔr na.