Ilahn 115:3 - Uwumbɔr aagbaŋ

³ Timi Aawumbɔr bi paacham la; u ŋani waah gee pu na.

Ilahn 115:3 ပူးပေါင်းရင်းမြစ်များ

1 Bibɔrb Aabɔr 16:25

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki taa ki nyuŋ ŋiwaa ma.

Job Aagbaŋ 23:13

Waa kpelni. Ubaa aan ŋmaa kpak u, bee u nyii u pu ke u di cha waah ban u ŋa pu na.

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 123:1

Uwumbɔr, m lik sin pu la, m lik paacham, nin chee aa bi ki joo dulnyaa na.

Ilahn 135:6

U ŋani waah gee pu na paacham ni taab, ni nnyusakpem aataab.

Ilahn 2:4

Le Uwumbɔr ka waabɔrjal pu paacham, ki laa bi, ki ŋani bi yaansara, baalandak i kaa pɔɔ na pu.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Rom Yaab 9:19

Nibaakan, aa ga baa mi, “Ni yaa ye kina kan, ba pu Uwumbɔr galn binib? Ŋma ga ŋmaa yii waageehn?”

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.