Ilahn 114:2 - Uwumbɔr aagbaŋ

² le Juda yaab nan kpaln Uwumbɔr aanib bi u bi bikaasisik ni na, Israel yaab nan kpaln Uwumbɔr yaab.

Ilahn 114:2 ပူးပေါင်းရင်းမြစ်များ

Nnyam 15:17

Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Nnyam 25:8

Cha binib ngbaan ŋa Libool tii mi, nima kan, m ga li bi gbɔk bi.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Ikaal 23:14

Ni cha nima chee li bi chain, ba pu? Nidindaan Uwumbɔr bi ni chee ki kii nimi, ki ga cha ni nyaŋ nimi aadim. Ni taa ŋa tijɔŋ tibaa ki cha Uwumbɔr fenn upuwɔb tii nimi.

Ikaal 27:12

“Ni yaa puur Jɔɔdann Aamɔɔl doo kan, ŋinibol ŋimina sil Gerisim Aajool paacham aan ni len tinyoor aabɔr tee lii Israel yaab pu. Ŋinibol ngbaan sɔ: Simeonn, ni Liifai, ni Juda, ni Isakar, ni Josef, ni Benjaminn aanibol.

Ikaal 27:9

Moses ni Liifai yaab aatotoorb na kpaan le ki bui Israel yaab ke, “Israel yaab, ni mɔmɔk ŋmin chii man, ki li pel m wɔb man. Din wee na, ni ŋa Nidindaan Uwumbɔr aanib la;

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,