Ilahn 113:3 - Uwumbɔr aagbaŋ

³ Pak Uwumbɔr aayimbil man, ki nya liwipuul ki ti saa liwilir.

Ilahn 113:3 ပူးပေါင်းရင်းမြစ်များ

Ilahn 18:3

M yin Uwumbɔr, le u gaa mi maadim chee lii. Pak Uwumbɔr man.

Ilahn 48:10

Binib bi bi ni mɔmɔk na pak si la, le saayimbil yaa ki buen kitiŋ kee aapepel mɔmɔk ni. Ibamɔn pu le aa joo saanib;

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Habakuk 2:14

Nnyun aah bi ni kookoo nnyusakpem ponn ni pu na, kina le binib ga li nyi Uwumbɔr aah kpa mpɔɔn sakpen pu na dulnyaa wee mɔmɔk ni.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”