Ilahn 111:9 - Uwumbɔr aagbaŋ

⁹ U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 111:9 ပူးပေါင်းရင်းမြစ်များ

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

1 Bibɔrb Aabɔr 16:15

Taa suln Uwumbɔr aah puu tipuur ti aan taa kpa ndoon na bɔr,

Ilahn 111:5

U tii binib bi nyuŋni u na tijikaar; waa suln waah puu tipuur ti na bɔr.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Ilahn 99:5

Pak Tidindaan Uwumbɔr man; li dooni u man waabɔrjal taab. U bi chain la.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Matiu 1:21

U ga maa ubijabo, le aa ga yin u ke Yesu; ba pu? uma le ga nyan waanib baatunwanbir ni.”

Tibɔnyaan ti Luk ŋmee ti na 1:49

ba pu? Uwumbɔr u kpa mpɔɔn na tun litukpaan ki tii mi. Waayimbil ye chain la.

Tibɔnyaan ti Luk ŋmee ti na 1:68

“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

Efesusi 1:14

Waah tii timi Waafuur Nyaan na, nima le mɔk ke u ga tii timi waah puu tipuur ti na mɔmɔk, ki ga gaa timi bimɔk ye waanib na lii. Nima pu na, cha ti li pak u, waah ŋan sakpen pu na.

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,