Ilahn 111:8 - Uwumbɔr aagbaŋ

⁸ Waakaal aa kpa ndoon; yaabimbin ŋan le ki ye ibamɔn.

Ilahn 111:8 ပူးပေါင်းရင်းမြစ်များ

Ilahn 119:89

Uwumbɔr, saamɔboln ga li bi ki ti saa n‑yoonn mu kaa kpa ndoon na; li bi paacham kaa kpa ndoon.

Ilahn 19:9

Aa yaa dooni Uwumbɔr kan, ni ŋan; naan li kpa ndoon. Uwumbɔr aabɔjil si chob la; li dii ibamɔn la.

Aisaya 40:8

Mbamɔn, timoor yɔl, le mmopuun gbaar, Uwumbɔr aamɔbon ma aan jer kpala.”

Matiu 5:18

M tuk nimi mbamɔn la, nkaal ngbaan mubaa aan jer, see mu aah len pu na mɔmɔk ŋa. Buyoonn paacham ni dulnyaa ga li bi na, nkaal ngbaan mɔmɔk ga li beenin bi.

Rom Yaab 3:31

Ti yaa len ke binib yaa gaa Yesu ki kii ki ga ŋmar kan, ti yii Uwumbɔr aakaal aa? Naa bi kina kpala. Ti ŋa mu tibɔkpaan la.

Rom Yaab 7:12

Uwumbɔr aakaal bi chain la. Uwumbɔr aah tuk timi ke ti ŋa pu na le bi chain, ki bi mbamɔm, ki ŋan.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.