Ilahn 111:2 - Uwumbɔr aagbaŋ

² Uwumbɔr aah tun ŋitun ŋi na nyaŋ a. Binib bi mɔmɔk aasui piir ŋi pu na ban ke bi bee ŋaatataa.

Ilahn 111:2 ပူးပေါင်းရင်းမြစ်များ

Job Aagbaŋ 37:14

Job, sil siib, ki pel; dakl lik lijinjiir aawan ni Uwumbɔr ŋani na.

Job Aagbaŋ 37:7

U chur unibɔn aatuln siini; u mɔk bi waah ga ŋmaa tun pu na la.

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Job Aagbaŋ 9:10

Taan ŋmaa bee waah ŋani tiwankpaan ni na aatataa, le waajinjiir aatun aa kpa ndoon.

Ilahn 104:24

Uwumbɔr, aa naan tiwan sakpen a. Aa di nlansakpem le naan ni mɔmɔk, saawanfuurkaan le gbii kitiŋ pu.

Ilahn 104:34

Usui li piin maalahn pu, ba pu? maapopiin mɔmɔk nya ni uma chee la.

Ilahn 107:43

Cha binib bi kpa nlan na li dakl lik timina; Cha bi dakl lik Uwumbɔr aageehm mu bi n‑yoonn mɔmɔk na.

Ilahn 118:15

Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 139:14

M pak si; ba pu? Saah naan mi pu na kpa mi iwaan ni lijinjiir, saatun mɔmɔk kpa iwaan, le aa nyi mi mbamɔm.

Ilahn 143:5

M teer n‑yoonn mu jer na; m dak saah nan tun pu n‑yoonn ngbaan na, saatun mɔmɔk beenin bi n‑yil ni.

Ŋiyataŋak 17:16

Ujɔr yaa ji waamombil tiwan aabaem pu kan, naa kpa u tinyoor tibaa, ba pu? waa kpa kpakpaln aalan.

Ŋiyataŋak 24:14

kina le nlan mu ŋan tii aasui. Aa yaa kpa nlan kan, aa ga li kpa limɔfal li ŋan na.

Ulandaan 3:11

U siin tiwan mɔmɔk aayoonn dee dee la. U cha ti kpa lineen ke ti li nyi n‑yoonn mu choo na aabɔr, le kaa tee tii timi nsan ke ti bee waah tun pu na aatataa mbamɔm.

Aisaya 40:12

Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

Efesusi 1:19

ki bee ke u kpa mpɔɔn sakpen ki ti nyaŋ, ki tii timi bi gaa u ki kii na. Mpɔɔn ngbaan le ye mpɔɔn sakpiin

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.