Ilahn 110:5 - Uwumbɔr aagbaŋ

⁵ Tidindaan bi aaŋangii wɔb; waaŋuul yaa fii kan, u ga nyaŋ bibɔrb.

Ilahn 110:5 ပူးပေါင်းရင်းမြစ်များ

Ilahn 109:20

Uwumbɔr, daa maadim bi len tibɔbir m pu na aatafal kina.

Ilahn 110:1

Uwumbɔr bui ndindaan ke, “Kaln ŋŋangii wɔb ki ti saa buyoonn m ga di saadim mɔmɔk ŋa aataapɔtan ni na.”

Ilahn 16:8

M kani Uwumbɔr m chee n‑yoonn mɔmɔk; U duun mi, le nibaa aan ŋmaa foor mi.

Ilahn 68:14

Uwumbɔr Mpɔɔnsakpiindaan aah nan yaa bibɔrb Salmonn Aajool pu na, u nan cha ŋitaanal lir nima chee.

Ilahn 68:30

Kae kipeewanbiik Ijipt u bi likal ni na; kae ŋitimbol ŋi ye inaaja ni yaanaabi na, ki ti saa buyoonn bi mɔmɔk ga nan gbaan ki tii si tikunabr aapiin na. Yaa binib bi gee butɔb na.

Habakuk 3:12

Aa nan di liŋuul bɔ dii kitiŋ kee pu; le saaŋuul ponn ni aa taa taa ŋitimbol pu.

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”