Ilahn 109:7 - Uwumbɔr aagbaŋ

⁷ Cha bi ji u tibɔr ki len ke waabɔr bii; cha waameel li ye tibɔbir aa chee.

Ilahn 109:7 ပူးပေါင်းရင်းမြစ်များ

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”