Ilahn 109:12 - Uwumbɔr aagbaŋ

¹² Taa cha ubaa li kpa u pu tiŋann, ki taa cha ubaa kpiin waakpobim bi gaar puwɔb na.

Ilahn 109:12 ပူးပေါင်းရင်းမြစ်များ

Job Aagbaŋ 5:4

Bijapɔtiib aan kan ŋŋmarm kpala; le ubaa aa bi ki ga sil bichaŋ ni, libɔjil ni.

Aisaya 13:18

Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Matiu 27:25

Le bi mɔmɔk bui u, “Cha waasin li bi timi, ni timi aabim aaŋaal ni.”

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.