Ilahn 107:7 - Uwumbɔr aagbaŋ

⁷ U nan di bi buen kitiŋ ki ponn ni bi ga ti li koo na.

Ilahn 107:7 ပူးပေါင်းရင်းမြစ်များ

Nehemia 11:3

Israel aanib ngbaan, bitotoorb, ni Liifai yaab, ni Uwumbɔr Aadichal ponn ni aatutum, ni Solomonn aatutum aayaabitiib nan ti kal baatim pu, ntisakpem ni muwaatiir mu gur na ponn ni la, le ki kpa bibaa aasar ni ŋidichal. Juda aatiŋ aamaal aaninkpiib bi nan bi Jerusalem ponn ni na sɔ:

Ilahn 107:36

U cha nkon aah joo binib bi na kun nima chee, le ki maa kitiŋ ki koo nima.

Ilahn 107:4

Bibaa nan chuun yiini nteersakpiin mu kaa kpa isan na, kaa kan kitiŋ ki ponn ni bi ga li koo na.

Ilahn 136:16

U nan di waanib bɔ dii nteersakpiin ni; waageehm aa kpa ndoon.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ilahn 78:52

le ki nin cheen waanib nyan ke upihdaan na, ki mɔk bi nsan, nteersakpiin ni.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 32:18

Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 48:17

Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Jeremia 31:24

Binib ga li koo Juda ni kaatim mɔmɔk ni, le bikpaab ga li bi, le biwakojoob mu ni baawakor li bi.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Nkahm 9:22

Ntaalangbam ngbaan yaa nan sil Uwumbɔr Aabool pu libuul libaa ni, iwiin ilee, bee uŋmal, bee libiln, bee ki yunn ti saa pu na kan, baa nan fii nima; tɔ, mu yaa ti siir kan, le bi mu fii dii mu.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

2 Piita 2:15

Bi yii nsanyaan le ki yenn, ki dii Beor aajapɔɔn Balaam aah nan dii pu na. U nan gee titunwanbir aanyoor la.

2 Piita 2:21

Bi yaa kaa ba nyi nsanyaan ngbaan kan, ni ba ga li soor ni baah nyi mu aan ki yii Yesu aabɔnyaan ti bi ŋun na.