Ilahn 107:40 - Uwumbɔr aagbaŋ

⁴⁰ u nan lik seen binib bi muk bi na, ki cha bi chuun yiini nteersakpiin mu kaa kpa isan na ponn ni.

Ilahn 107:40 ပူးပေါင်းရင်းမြစ်များ

1 Bibɔrb 21:19

Tuk u ke mi Uwumbɔr le bui u ke, ‘Aa ku uja ngbaan doo le ki ban aa ki gaa waawangol mu uu?’ Bui u ke maah len pu na sɔ: ‘Libuchachaan li ponn ni ibɔ lakr Nabof aasin na, nima chee le i ga lakr aa mu aasin.’”

Job Aagbaŋ 12:21

U jinni binib bi bi mpɔɔn ni na inimɔɔn, le ki cha bitinjoob aapɔɔn door.

Job Aagbaŋ 12:24

U cha ŋaasalolm ŋani bijɔrb, le ki cha bilan ŋmalni bi, le bi chuun yiini ki ti wɔŋ;

Ilahn 107:4

Bibaa nan chuun yiini nteersakpiin mu kaa kpa isan na, kaa kan kitiŋ ki ponn ni bi ga li koo na.

Ilahn 78:66

U nan jenn waadim giin inimɔɔn aalirm mu kaa kpa ndoon na ni.

Nnyam 8:17

Nima pu na, Aaronn nan di waajaangbeek faa kitiŋ, le kitangbaak mɔmɔk kpaln tinaapulor ki nyan gbiin, ki biin binib ni tiwakor mɔmɔk pu.

Nnyam 8:24

Uwumbɔr nan cha tisibir nyan gbiin ubɔr ni waanib mɔmɔk do. Le Ijipt aatiŋ ngbaan mɔmɔk nan kpaln tisibir ŋmeen, ki bii.

Nnyam 8:3

Le ŋipulaatal ga gbiin Nail aamɔɔl mɔmɔk ni, le ki nya dan saabɔrdichal ni, ki koo saadidookaan, ni saawandookaan pu, ni saaninkpiib, ni saanib mɔmɔk aadichal ni, hali ifan ponn ni, ni ŋisambil ponn ni, ga li ye ŋima la.

Nnyam 8:4

Ŋi ga yuk kal aa ni saaninkpiib, ni binib mɔmɔk pu.’”

Daniel 4:33

Libuul ngbaan ni, le tibɔr ngbaan kpaan ŋa kina. Bi nan jenn Nebukadnesar binib chee, le u ŋman timoor ke unaa na. Limaln nan lir uwon pu, le waakor muun ke likaagiil aakokor na, le waanyanyar mu fɔk ke ukaa aanyanyar na.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Ikaal 32:10

Bi nan chuun bi nteersakpiin ni, le u kan bi, nteersakpiin mu libuln li kuur na daar aan nibaa aa punni na. Uma le nan lik ki kii bi ke waah ga li joo ubaa pu na;

Tibɔkpiirkaan 19:18

ti ye bibɔrb aawon, ni butɔb aajab aaninkpiib aawon, ni bipɔɔndam aawon, ni itaan aawon, ni binib bi dik i pu na aawon, ni binib mɔmɔk aawon, bi ye binaagbiib ni bi kaa ye binaagbiib na, ni bi ye biwaatiib, ni bi ye bipɔɔndam na aawon la.

Bibɔjirb 4:21

Sisera aah nan bak na, le u kpaan geen. Le Jael yoor ugagaar ni nkpaa, le ki loon buen u chee, le ki ti di nkpaa ngbaan kpaa chaar utapak ki ti chuu kitiŋ.

1 Samuel 5:9

Dakaa ngbaan aah fuu nima chee na, le Uwumbɔr ki daa nima yaab mu aatafal ki cha bipobil yuk. U nan cha iween i naahn ŋichakpelar na ki ku bi mu, mbim ni bininkpiib mɔmɔk.

1 Samuel 6:4

Le binib ngbaan baa ke, “Ba aapiin aan ti ga di tun?” Le bi bui ke, “Salmaa ŋisayik aanaŋ ŋiŋmu, ni salmaa ŋichakpelar aanaŋ ŋiŋmu, ubaa mɔmɔk le si Filistia yaab aabɔr ubaa mɔmɔk aasisii. Tibɔbir baan ngbaan le u nan di tun tii ni mɔmɔk, ni bibɔrb biŋmu ngbaan mu pu.