Ilahn 107:38 - Uwumbɔr aagbaŋ

³⁸ U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 107:38 ပူးပေါင်းရင်းမြစ်များ

Mpiin 1:28

le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:20

M ŋun saah ban m ŋa pu tii Ismael na, nima pu na, m ga ŋa tinyoor ŋa u pu, ki tii u mbim, ni yaabitiib pam. U ga li ye bibɔrb kipiik ni bilee aate la, le m ga cha uyaabitiib ŋa litimbokpaan.

Mpiin 30:43

Kina le Jakob nan ŋa mpɔɔndaan ki kpa tiwakor, ni binaagbiib, ni laakumii tiib, ni ibon sakpen.

Mpiin 31:9

Ni kan ke nite aah ji mi pem pem pu na, le Uwumbɔr di waapiih ni iŋoob di tii mi.

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Job Aagbaŋ 12:23

U tii ŋitimbol mpɔɔn sakpiin, le ki nan tee nyaŋ ki kuln ŋi.

Nnyam 1:12

Tɔ, baah nan nan Israel yaab ki moo ŋani bi falaa sakpen pu na, Uwumbɔr nan cha bi moo pɔr kpee kina la, le ki yaa gbiin Ijipt aatiŋ ponn ni, le Ijipt yaab nan gur san Israel yaab ijawaan,

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 12:38

Kinipaak kiken, ni tiwakor pam mu nan dii bi buen.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 28:4

“Uwumbɔr ga ŋa tinyoor ŋa ni pu, ki tii nimi mbim, ni tijikaar, ni tiwakor pam.

Ikaal 30:9

Uwumbɔr ga ŋa tinyoor ŋa ni pu, nimi aatuln mɔmɔk ni, le ni ga li kpa mbim ni tiwakor pam, le nimi aakpaakon ga ŋa tijikaar pam. U ga li kpa mpopiin ke u tii nimi liwangol, ke waah nan kpa mpopiin ki tii niyaajatiib pu na.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

Ikaal 7:14

Binib bibaa aa ki bi dulnyaa wee ni, ki ga kan tinyoor ti aaboln u ga di tii nimi na. Nimi bijab, ni bipiib, ni nimi aawakor mɔmɔk ubaa aan gur kaan li kpa mbim.