Ilahn 107:2 - Uwumbɔr aagbaŋ

² Nimi bi mɔmɔk kan waaŋmarm na, di tibɔbaan ngbaan giin pak u man. U gaa nimi, nimi aadim chee lii,

Ilahn 107:2 ပူးပေါင်းရင်းမြစ်များ

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Ilahn 130:8

Uma le ga nyan waanib Israel yaab baatunwanbir mɔmɔk ni.

Ilahn 31:5

M di mbaa ŋa aaŋaal ni la. Uwumbɔr, sin le ga gaa mi lii; aa ye Uwumbɔr u ŋani saah len pu na la.

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 63:4

Le m dakl ke n‑yoonn mu m ga di gaa maanib lii na fuu ni a; ni ŋeer ke m daa baadim aatafal.

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Jeremia 31:11

M gaa Israel aanib lii a, ki nyan bi litimbol sakpeln aapɔɔn ni.

Maika 4:10

Jerusalem aatiŋ aanib, li mur fenni ki ker idun ke upii u imalween joo u na, ba pu? ni ga nya kitiŋ ponn ni ki ti li koo timoor ni. Ni ga buen Babiloŋ aatiŋ ni; le Uwumbɔr ga ti tee gaa nimi, nimi aadim chee lii nima.

Tibɔnyaan ti Luk ŋmee ti na 1:68

“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

Tibɔnyaan ti Luk ŋmee ti na 1:74

ke u ga nyan timi, timi aadim aaŋaal ni, aan ti dii u ki taa li san ijawaan,

Tibɔnyaan ti Luk ŋmee ti na 24:21

Ti nan kpa limakl ke uma le ga gaa timi Israel yaab lii. Baah nan ŋa u kina na, din le ye iwiin itaa.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.