Ilahn 107:1 - Uwumbɔr aagbaŋ

¹ “Uwumbɔr aah kpa tiŋann pu na, ni di idoon tii u, waageehm aa kpa ndoon.”

Ilahn 107:1 ပူးပေါင်းရင်းမြစ်များ

1 Bibɔrb Aabɔr 16:34

Doon Uwumbɔr man, ba pu? u kpa tiŋann; waageehm aa kpa ndoon.

1 Bibɔrb Aabɔr 16:41

Hemann ni Jedutunn, ni baah nan lee bi ke bi li gaa ilahn pak Uwumbɔr, waageehm mu kaa kpa ndoon na pu na, mu nan bi nima ki kpee bi pu.

2 Bibɔrb Aabɔr 20:21

U ni binib ngbaan aah nan kpokl tibɔr na aapuwɔb, le u cha bilahngaab di baawanpeenkaan ni bi joo peeni iwinyaan daal na peen, ki loln butɔb aajab pu nsan, ki gaa nlahn ke, “Pak Uwumbɔr man. Waageehm aa kpa ndoon.”

2 Bibɔrb Aabɔr 7:3

Israel aanib ngbaan aah nan kan mmii nyan ni paacham ki lir ni aan nwiihn gbiin Uwumbɔr Aadichal ngbaan na, le bi lir lichichikr lichiln ngbaan ni, ki dooni Uwumbɔr ki pak u, waaŋann ni waageehm mu kaa kpa ndoon na pu.

2 Bibɔrb Aabɔr 7:6

Bitotoorb nan sil baabuul ni, le Liifai yaab mu sil baabuul ni ki lik ni bitotoorb, ki joo Ubɔr David aah nan di tiwangbaakaan ni tii bi na pak Uwumbɔr ki gaa nlahn David aah nan mɔk bi pu na ke, “Waageehm aa kpa ndoon.” Bitotoorb nan pii kakaan tiib, le binib ngbaan mɔk nan si.

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 103:17

Uwumbɔr aageehm aa door binib bi san u na ma chee,

Ilahn 105:1

Di idoon tii Uwumbɔr man, moon waah kpa mpɔɔn pu na man; bui ŋitimbol waah tun ŋitun ŋi na man.

Ilahn 106:1

Pak Uwumbɔr man. Doon Uwumbɔr man, ba pu? u kpa tiŋann; waageehm aa kpa ndoon.

Ilahn 118:1

Uwumbɔr aah kpa tiŋann pu na, ni li dooni u man; waageehm bi n‑yoonn mɔmɔk.

Ilahn 119:68

Aa kpa tiŋann sakpen a. Mɔk mi saakaal.

Matiu 19:17

Le Yesu baa u, “Ba pu aa baa mi litunyaan pu? Uwumbɔr baanja le ŋan. Aa yaa ban limɔfal li kaa kpa ndoon na kan, kii waakaal.”

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.