Ilahn 106:5 - Uwumbɔr aagbaŋ

⁵ Cha m kan saah tii saanib liwangol li na, ki mu kan mpopiin mu aa di tii saatimbol na, ki kan binib bi ye saanib na aapopiin aamakl.

Ilahn 106:5 ပူးပေါင်းရင်းမြစ်များ

2 Samuel 20:19

Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Ilahn 118:15

Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 14:7

Maameel le ye ke linyaŋ nya ni Sionn pu ki dan Israel yaab chee. Uwumbɔr yaa ki cha Israel yaab ki ŋa biwankpadam kan, ba aapopiin aan bi ga li kpa na.

Ilahn 48:11

Cha Sionn aanib li kpa mpopiin. Aa ji tibɔr ni ibamɔn la; cha mpopiin li bi Juda aatim pu.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Aisaya 66:10

Li mɔɔni man Jerusalem pu. Nimi bimɔk gee kitiŋ kee na, cha nisui li piin u pu, nimi bimɔk nan wii kaakpowiil na, li mɔɔni ter ki man.

Joel 2:23

Sionn aatiŋ aanib, cha nisui li piin man, li mɔɔni Nidindaan Uwumbɔr aah ŋa pu tii nimi na pu. U tii nimi kiseek ni aataal, ki ŋeer naah ban pu na; ki cha utakuutaal ni unaalantaal mu nun mbamɔm ke waah ti nu pu na.

Sefania 3:14

Israel aanib, li mɔɔni ki tar man. Jerusalem aatiŋ, li mɔɔni sakpen.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Jɔnn 16:22

Ni bi kina le ni mu chee. Dandana, ni kpa mpombiin la. M ni nimi ga nan ki kan tɔb, le ni ga li kpa mpopiin. Ubaa aan ŋmaa nyan mpopiin ngbaan nisui ni.

Lituln 9:15

Le Tidindaan bui u, “Li cha u chee. M nyan u la, u ti li joo maabɔr tuk bibɔrb, ni Juu yaab, ni binib bi kaa ye Juu yaab na, ki cha bi bee mbɔr.

Efesusi 1:4

Uwumbɔr aah kaa nan kee naan dulnyaa wee buyoonn na, le u nan nyan timi, Kristo pu, ke ti li ye waanib, ki li bi chain, ki taa li kpa taani ubaa unimbiin ni. U gee timi la.

Ikaal 32:9

le ki nyan Jakob aamaal ke bi li ye waanib.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

2 Tesalonika 2:13

Tɔ, tinaabitiib bi Tidindaan gee bi na, ni ŋan ke ti li dooni Uwumbɔr ni pu n‑yoonn mɔmɔk; ba pu? tiwan mɔmɔk aah nan piin buyoonn na, u nan lee nimi ke ni ŋmar. Waafuur Nyaan ŋa nimi binib bi bi chain ki pak mbamɔn, aan ki ŋmar na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”