Ilahn 106:36 - Uwumbɔr aagbaŋ

³⁶ le ki dooni ŋiwaa, le nimina kuln bi.

Ilahn 106:36 ပူးပေါင်းရင်းမြစ်များ

2 Bibɔrb 17:7

Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Nnyam 23:33

Ni taa cha binib ngbaan li bi nimi aatiŋ ngbaan ni; ni yaa ŋa kina kan, bi ga cha ni tun titunwanbir m chee. Ni yaa kpaan bi chee ki dooni baawaa kan, nima le ga kpaln nkun aagaawɔb le ki kuln nimi.”

Ikaal 29:25

Le naatataa ga li ye ke, ‘Binib ngbaan bii tipuur ti Uwumbɔr u ye biyaajatiib Aawumbɔr na nan puu tii bi, buyoonn u nan nyan ni bi Ijipt ni na la.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 2:17

Israel yaab mu aatafal aa nan bi baasalolm ngbaan ni. Baa nan kii Uwumbɔr aamɔb, le ki dooni ŋiwaa. Bitetiib nan kii Uwumbɔr aamɔb, le binipɔm bimina ma nan kpaan di cha kina aatuln.

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”