Ilahn 106:24 - Uwumbɔr aagbaŋ

²⁴ Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Ilahn 106:24 ပူးပေါင်းရင်းမြစ်များ

Mpiin 25:34

Le Jakob mu di tijikaar ni tikpin ngbaan tii Esɔ. U nan jin ki nyun le ki fii buen. Nima le mɔk ke Esɔ aatafal aa nan bi tininkpir ni.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Nkahm 13:32

Nima pu na, bi nan di inyamɔn aabɔr yaa gaa Israel yaab chee, baah buen kitiŋ ngbaan ni ki ti kan pu na. Bi nan ki bui ke, “Kitiŋ ngbaan ni aakpaatan aa nyuun, le binib ngbaan aa kpa tijikaar bi ji bab. Taah kan binib bi mɔmɔk koo nima na fɔk sakpen a.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 14:31

Ni bui ke bi ga chur nimi aabim tinaagbiir; nima le m ga cha bi koo kitiŋ ki ni yii ki na ni, le ki ga li ye baatiŋ, le bi ji kaamɔɔn.

Nkahm 14:9

Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

Matiu 22:5

Le baa gar waatutum. Bi nan beenin tun baatuln; ubaa nan buen kisaak, uken mu buen u ti tiir kitiir.

Ikaal 1:26

“Le ni yii Nidindaan Uwumbɔr aamɔb, kaa kii ke ni koo kitiŋ ngbaan ni.

Ikaal 1:32

Le maah sur nimi ki len pu na, naa ban ke ni kii tii Uwumbɔr.

Ikaal 9:23

Buyoonn ni nan bi Kades Banea na, u nan bui nimi ke ni buen ti gaa kitiŋ ki u nan puu ke u ga di tii nimi na, le ni yii waamɔb, kaa tii u naadii, kaa kii waamɔb.

Hiibru Yaab 12:16

Ni li nyi man, ubaa mu taa gɔr kidagook. Ubaa mu taa lik Uwumbɔr fam ke Esɔ aah nan ŋa pu na. Tijikaar pu, le u nan di ubopol aafaal kooh.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

Hiibru Yaab 4:14

Tɔ, ti kpa utotoorninkpekpaan u bi Uwumbɔr do na. U ye Uwumbɔr Aajapɔɔn Yesu la. Nima pu na, cha ti li beenin dii u ki taa di waasan lii.

Hiibru Yaab 4:2

Ti mu ŋun tibɔnyaan tee ke binib ngbaan aah nan ŋun ti pu na. Bi nan ŋun ti, kaa gaa ti ki kii, nima le tibɔnyaan ngbaan aa ŋa bi tinyoor.

Hiibru Yaab 4:6

Binib bi puen ŋun tibɔnyaan tee na, baa nan gaa ti ki kii, nima le baa kan lifuur ngbaan. Binib biken mu ga kan lifuur ngbaan.

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.