Ilahn 105:8 - Uwumbɔr aagbaŋ

⁸ U ga li joo waah puu tipuur ti na ki ti saa n‑yoonn mu kaa kpa ndoon na.

Ilahn 105:8 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

1 Bibɔrb Aabɔr 16:15

Taa suln Uwumbɔr aah puu tipuur ti aan taa kpa ndoon na bɔr,

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Ilahn 105:42

U nan teer waah nan puu tipuukpaan ti tii waatutunn Abraham na.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 111:5

U tii binib bi nyuŋni u na tijikaar; waa suln waah puu tipuur ti na bɔr.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Nnyam 2:24

le ni nan chuu u kinimbaak, le u teer tipuur ti u nan puu tii Abraham, ni Aisak, ni Jakob na.

Jeremia 11:5

Le m ga li joo tipuur ti m nan puu tii biyaajatiib, ke m ga tii bi kitiŋ ki kpa tiwakor aamoŋmɔpaan ni ŋisubil sakpen na, aan bi kpa ki dandana wee na.” Le m bui ke, “Een, Uwumbɔr.”

Daniel 9:4

M nan mee Ndindaan Uwumbɔr ki kpiir maatunwanbir ni maanib aatunwanbir tuk u. M nan len ke, “Ndindaan Uwumbɔr, aa ye unikpaan la, le ti pak si. N‑yoonn mɔmɔk aa joo saah puu pu na, ki gee binib bi gee si ki ŋani saah len pu na.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.