Ilahn 105:41 - Uwumbɔr aagbaŋ

⁴¹ U nan chuu piir litakpal, le nnyun chee nyan ni, ki puu nteersakpiin ni ke limɔɔl na.

Ilahn 105:41 ပူးပေါင်းရင်းမြစ်များ

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Ilahn 114:8

Uwumbɔr u kpelni ŋitakpal ŋani nnyun, ki kpelni ŋijootakpal ŋani inyunbun i puu na, li jii uma aanimbiin ni.

Ilahn 78:20

Ni ye mbamɔn ke u faa litakpal, le nnyun puu nyan ni ke nwam na; tɔ, u ga ŋmaa tii timi tijikaar aa? u ga ŋmaa tii timi waanib tinann mu uu?”

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Nkahm 20:11

Le Moses yoor lidabil ngbaan ki di faa litakpal ngbaan nfum mulee, le nnyusakpem puu nyan ni, le binib ngbaan mɔmɔk ni baawakor nyun.