Ilahn 105:13 - Uwumbɔr aagbaŋ

¹³ Bi nan chuun yiini ki ti nya kitiŋ kee ni, ki ti saa kitiŋ kee ni, ki nya nnaan mue ni, ki ti saa mue ni.

Ilahn 105:13 ပူးပေါင်းရင်းမြစ်များ

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

Mpiin 12:10

Tɔ, n‑yoonn mubaa le nkon nan lir Kanaann aatiŋ ni. Nkon ngbaan nan pɔɔ ti nyaŋ. Nima pu le Abram nan buen Ijipt aatiŋ ni, u ti laa li bi nima aan bi kan tijikaar ki ji.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Ilahn 56:8

Aa nyi naah muk mi pu na; aa nyi maanyunyunn aakahm, aa ŋmee ti ŋa saagbaŋ ni.

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.