Ilahn 105:12 - Uwumbɔr aagbaŋ

¹² Uwumbɔr aanib aa nan wiir, le ki ye biwɔwɔm Kanaann aatiŋ ni.

Ilahn 105:12 ပူးပေါင်းရင်းမြစ်များ

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 23:4

“M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Nnyam 6:4

M nan ki puu tipuur tii bi ke m ga di Kanaann aatiŋ ki bi nan ye biwɔwɔm ki ponn ni na tii bi.

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Lituln 7:5

N‑yoonn ngbaan, Uwumbɔr aa nan tii u kitiŋ kibaa do chee na. Waa nan po tii u lisaŋ libaa. U nan puu tipuur tii u ke u ga di kitiŋ kee tii u ni uyaabitiib. N‑yoonn mu Uwumbɔr nan puu tipuur tee tii u na, Abraham aa nan kee kpa ubo.

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.

Ikaal 7:7

“Naa ye ke ni wiir le jer binib biken, nima le cha Uwumbɔr gee nimi ki nyan nimi ŋinibol mɔmɔk ni; nimi le par, kaa wiir dulnyaa wee ni.

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.