Ilahn 103:4 - Uwumbɔr aagbaŋ

⁴ U nyani mi nkun ni, le ki joo ngeehm ni linimbaasaln aanyoor ŋani mi.

Ilahn 103:4 ပူးပေါင်းရင်းမြစ်များ

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

Ilahn 103:12

Liwipuul ni liwilir aah daa tɔb chee pu na, kina le u nyan timi aatunwanbir ti chee ki di buen dandar.

Ilahn 21:3

Aa joo ni u tinyoor sakpen le ki di salmaa aabɔryikpupuk chiŋ u.

Ilahn 34:22

Uwumbɔr ga gaa waanib lii; binib bi chaa u chee ke u li kii bi na ga ŋmar.

Ilahn 5:12

Uwumbɔr, aa ŋani tinyoor ŋani bi keei saamɔb na pu; le saageehm kii bi ke kijaak aapeln na.

Ilahn 56:13

ba pu? sin le nyan mi nkun ni, kaa cha maadim nyaŋ mi. Kina pu na, m bi Uwumbɔr aanimbiin ni, nwiihn mu wiin binib bi kpa limɔfal na ni la.

Ilahn 65:11

Saaŋann tii tinyoor sakpen a. Aa yaa buen nimɔk na kan, nkam le bi.

Ilahn 71:23

Buyoonn m bi gbaa kibeek pak si na, le m ga li tar mpopiin pu; saah gaa mi lii pu na, le m ga li pak si.

Ilahn 8:5

Sin baanja le jer u; aa di kipak ni liyimbil le di tii u.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

1 Piita 5:4

Ni yaa ŋani kina kan, buyoonn upihkpaaninkpel ga gir ni na, ni ga kan lipal li mɔ sakpen ki ga li bi n‑yoonn mu kaa kpa ndoon na.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,