Ilahn 103:20 - Uwumbɔr aagbaŋ

²⁰ Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 103:20 ပူးပေါင်းရင်းမြစ်များ

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Ilahn 148:2

Nimi waatuuntiib mɔmɔk bi bi paacham na, pak u man.

Ilahn 148:5

Cha bi mɔmɔk pak Uwumbɔr aayimbil. Waamɔboln le nan naan ni mɔmɔk.

Ilahn 29:1

Nimi paacham yaab, pak Uwumbɔr man, pak waapɔɔn ni waanyuŋ man.

Ilahn 78:25

Kina pu le bi nan jin Uwumbɔr aatuuntiib aajikaar, le Uwumbɔr tii bi baah ban pu na mɔmɔk.

Aisaya 6:2

Tiwanfuurkaan ni aawon mɔmɔk ye mmii na nan si mann gob u, ki kpa ifeen iloloob. Tiwanfuurkaan ngbaan nibaa mɔk nan di ifeen ilee di biin ninimbil wɔb, ki di ilee biin niwon pu, le ki joo ilee i gur na fiir.

Daniel 11:1

Min le nan ter u ki tii u mpɔɔn buyoonn Ubɔr Darius nan ye Media yaab aajojoor na aajan aabiln ponn ni na.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Matiu 26:53

Saa nyi ke m yaa mee Nte Uwumbɔr kan, u ga tun ni bituuntiib bi jer ŋichur kipiik ni ŋilee na m chee dandana aa?

Matiu 6:10

Saanaan dan. Bi li ŋani saageehn dulnyaa wee ni ke baah ŋani paacham pu na.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.