Ilahn 103:2 - Uwumbɔr aagbaŋ

² M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ilahn 103:2 ပူးပေါင်းရင်းမြစ်များ

2 Bibɔrb Aabɔr 32:25

Le Hesekia aagaak nan nyaŋ u aan waa ŋmaa doon Uwumbɔr waah ŋa pu tii u na, le Juda ni Jerusalem aanib kan kina aatafadaan.

Ilahn 105:5

Nimi waatutunn Abraham aayaabitiib, nimi bi ye Jakob aayaabitiib bi u nyan bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Ilahn 106:21

Bi suln Uwumbɔr u nan di waapɔɔn sakpiin tun ŋitun Ijipt aatiŋ ni ki gaa bi lii na aabɔr.

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Ilahn 116:12

Ba aan m ga di tii Uwumbɔr, waaŋann sakpenn tee pu?

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Bibɔjirb 5:2

Pak Uwumbɔr man. Israel yaab nan ŋa lipobil ke bi jan kijaak; binib nan di mpopiin nyan sil bibaa pu la.

Bibɔjirb 5:9

Nsui mɔmɔk bi Israel aajab aaninkpiib, ni bijab bi nan nyan sil bibaa ni mpopiin ŋmeen na chee. Pak Uwumbɔr man.