Ilahn 103:19 - Uwumbɔr aagbaŋ

¹⁹ Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 103:19 ပူးပေါင်းရင်းမြစ်များ

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

1 Bibɔrb Aabɔr 29:12

Nkam ni liwankpal mɔmɔk nyan ni sin chee la, le aa joo saapɔɔn joo tiwan mɔmɔk, le ki ga ŋmaa cha unii mɔmɔk kan liyimbil ni mpɔɔn.

Ilahn 11:4

Uwumbɔr bi Waadichal li bi chain na ponn ni; waabɔrjal bi paacham la. U lik binib, ni kookoo, le ki nyi baah ŋani pu na.

Ilahn 115:3

Timi Aawumbɔr bi paacham la; u ŋani waah gee pu na.

Ilahn 2:4

Le Uwumbɔr ka waabɔrjal pu paacham, ki laa bi, ki ŋani bi yaansara, baalandak i kaa pɔɔ na pu.

Ilahn 47:2

Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Ilahn 9:7

Le Uwumbɔr tee ye ubɔr n‑yoonn mɔmɔk; u gor waabɔrjal kiir libɔjil.

Aisaya 66:1

Uwumbɔr bui ke, “Kitaapaak le ye maabɔrjal, le kitiŋ ye ntaa aah taa ni pu na. Ni ga maa ba aadichal aaboln ki tii mi, ba aapaan ni ga kan tii mi aan m li koo nima?

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Hiibru Yaab 8:1

Maah len pu na aayil le ye ke ti kpa utotoorninkpel wee aaboln. Uma le ye Yesu Kristo u ka Uwumbɔr u yeh mpɔɔn mɔmɔk na aabɔrjal aaŋangii wɔb paacham na.

1 Piita 3:22

Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.