Ilahn 103:14 - Uwumbɔr aagbaŋ

¹⁴ U nyi taah nyan ni tiwan ni ponn ni na; u teer ke ti ye titan la.

Ilahn 103:14 ပူးပေါင်းရင်းမြစ်များ

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Job Aagbaŋ 10:9

Teer ke tiyakr le aa nan di naan mi; aa ban ke aa ki gbaa wɔi mi ŋa titan la aa?

Job Aagbaŋ 13:25

Aa ban ke aa faan mi la aa? M ye kifark la, aa bi tak kimokuun la.

Job Aagbaŋ 7:21

Saan ŋmaa di cha pinn mi maatunwanbir aa? Saan ŋmaa suln taani u m ŋani na aa? Naan ki yunn le m koo likaakul ni, le aa yaa ki ban mi kan, saan kan mi.

Ilahn 89:47

Teer ke maamɔfal aa fɔk; teer ke aa naan ti mɔmɔk aan ti ye tiwan ni ga kpo na la.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Aisaya 29:16

Bi labr tiwan mɔmɔk chiŋni la. Nilani ye tiwankpaan, uyakmaal aan tiyakr? Tiwan ni unii naan ni na aan ŋmaa bui udaan ke, “Sin le aa naan mi,” ni mu aan ŋmaa bui u ke, “Saa nyi saah bi ŋani pu na.”