Ilahn 102:20 - Uwumbɔr aagbaŋ

²⁰ u ŋun binib bi bi tiyondir ni na aah ker idun pu na, ki gaa baah siin ke bi ku binib bi na lir.

Ilahn 102:20 ပူးပေါင်းရင်းမြစ်များ

2 Bibɔrb 13:4

Le Ubɔr Jehoahas mee Uwumbɔr, le Uwumbɔr aah nan waa Siria aatiŋ aabɔr aah ŋani Israel yaab mbiin sakpen pu na, le u kii waameel ngbaan.

Job Aagbaŋ 24:12

Ntim ponn ni le binib bi kan titotonn na, ni binib bi bi kpoi na wii, le Uwumbɔr aa gaal baameel.

Ilahn 146:7

u len tibɔr ter baah muk binib bi na, ki tii nkon aah joo binib bi na tijikaar. Uwumbɔr nyani binib bi bi tiyondir ponn ni na lir,

Ilahn 79:11

Li pel binib bi bi tiyondir ponn ni na aah ker idun pu na, ki di saapɔɔn mu nyaŋ na nyan binib bi bi siin ke bi ku bi na lii.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Aisaya 14:17

Uja wee le aa nan bii ntikpaam ki labr dulnyaa di ŋa nteersakpiin nin chee nibaa aan ŋmaa punn na aa? Naa ye uja umina le aa nan kii ke waanaagbiib kun bido na aa?

Ikaal 26:15

Saah bi nin chee paacham ni bi chain na, lik ni saanib Israel yaab ki ŋa bi tinyoor, ki ŋa tinyoor ŋa kitiŋ ki kpa tiwakor aamoŋmɔpaan ni ŋisubil sakpen na ki aa di tii timi na, ke saah nan puu tipuur tii tiyaajatiib pu na.’