Ilahn 102:18 - Uwumbɔr aagbaŋ

¹⁸ Ŋmee bil Uwumbɔr aah tun pu na, aan n‑yoonn mu choo na yaab nan kan, aan baah kaa kee ma binib bi na nan pak u.

Ilahn 102:18 ပူးပေါင်းရင်းမြစ်များ

Ilahn 48:13

moo lik man kaagon ŋi bi maa gob ki na, ni tidir ti kpa mpɔɔn na mbamɔm, aan ki nan bui binib bi paa ni puwɔb na ke,

Ilahn 69:34

Paacham ni kitiŋ, pak Uwumbɔr man, nnyusakpem ni tiwanfuurkaan nimɔk bi mu ni na mu pak u.

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Nnyam 17:14

Uwumbɔr nan bui Moses ke, “Ŋmee butɔb ngbaan aabɔr mɔmɔk bil, aan ti li ye nteerm n‑yoonn mɔmɔk. Tuk Josua ke m ga bii Amalek yaab mɔmɔk.”

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 43:7

Bi ye maanib la, le m naan bi ke bi tii mi kipak.”

Daniel 9:2

Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.

Jɔnn 20:31

Bi ŋmee nimina ke ni pak ke Yesu le ye Kristo u gaa timi lii na, ki ye Uwumbɔr Aajapɔɔn. Ni yaa gaa u ki kii kan, u pu le ni ga li kpa limɔfal.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

1 Korenti 10:11

Tibɔr ngbaan nan ŋa bi kina ki ye limɔkl le ki mɔk binib. Bi nan ŋmee ti Uwumbɔr Aagbaŋ ni, ke ni li ye nsurm le ki tii timi bi bi kookoo aayoonn na.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

2 Piita 1:15

Le m ga pɔɔk mbaa ki tii nimi kigbaŋ ki ga li teer nimi tibɔr tee n‑yoonn mɔmɔk, ki joo cha maakundaal aapuwɔb na.